Proklamasie

Biej de grasie vanne raod van ellef, de carnavalsvereniging en alle Halve Gare en Garinnen bön ich op de 25ste november van 2023 oetgerope toet Prins carnaval.

En as 46ste hierser aover ut riek van de Halve Gare, verklaor ich:

Prins Luuk de ierste

Gebaore as Halve Gare;

Zoon van Ad en Mia op de Molenweg;

Breurke van Joep en Bertie;

Wonend op de Meister Joostenstraot;

Voetballer van de 3e helft van 3e van Haelen;

Werkend biej ut biste sushi restaurant van Helje Dorp

Ten ierste:

Det ich enorm trots bin om 21 jaor nao pap hiej te staon als Prins van de Halve Gare.

Ten twiedje:

Det ich as echte Halve Gare samen mit mien adjudanten, raod van ellef veur op gaon in Böggeme en hoop det ederein mit duit.

Ten derdje:

Det we samen mit de jeugd prins,prinsses, jeugdraod, seniorenprins, wienqueen en Bacchus door kappes en tabak gaon.

Ten veerdje:

Det wea mit de vastelaovend ein lekker gleaske beer mogen drinken.

Ten viefdje:

Det de frikandellen te gooj op 175 Graden gebakken weure.

Ten zesdje:

Det ich mit dees daag biej de Halve Gare de ker trek ipv biej Fusion.

Ten zevendje:

Det wea tot as woonsdig alle remme los gooje en dao nao truk kinne kieke op eine sjoene vastelaovend.

Ten achtste:

Det wea aug dit jaor verzekerd zeen van de gehaktbölkes van Mie.

Ten negendje:

Ut prinsenpalies dit jaor aan de maas is biej Piet.

Ten tiendje:

Det ich toet mien adjudanten benum:

Normaal achter de dreij taofel mer noe aug get vaker der veur, mien broor Joep Damen.

Mit dees twee bin ich samen opgegreujd, eine haet al paar jaor ervaring in de raod, de andere mit ervaring als adjudant Maurice Joosten en Niels Pomp.

Mien 4de en letste adje, vrundj van de 3e helft en feestjes zolang der mer beer is, Sander Rutten.

Ten elfdje:

Det ich uch dit joar veur goan mit miene spreuk:

Fiëste als beste, noa hoes goan ich als letste!

Fiëste als beste, noa hoes goan ich als letste!

Fiëste als beste, noa hoes goan ich als letste!