|
Létste update: 14 fibrewari 2024
Waat geit dur allemaol
gebeure en waat is dur allemaol gebeurdj?
Béste minse,
allemaol bedanktj veur dae geweldjige vastelaovendj dae wae weer
höbbe mooge mitmaake in ós dörpke. Gae kintj via de fotopagina nog
efkes naogeneete (fotoos blieëve dur op staon tot start van ut
volgendje sezoeën). Dank aan de óntvange fotoos van Ilja Ramakers (kieëk
auch op de feesboekpagina van de Rabbedabbe) die wae verwirktj höbbe
in benners op ein aantal pagina's van dees wepsait.
Ut programma veur ut
komendje sezoeën steit (ónger veurbehoad) al oppe sait (kliktj op
"programma" in de rechter menu-balk).
Naames de Raod van
Half Ellef en de Jeugdraod van de Rabbedabben ónger aanveuring van
Prins Cas I en Prinses Femm, eine dikke merci!
Vastelaoves
Vereiniging de Rabbedabben
Noewe inwoeëner van ós
dörp?
Gae zeetj verhoeësdj
nao Haler en gae dinktj: woea kin ich toch die sjoeën
vastelaovesvlag of det sjieke Rabbedab-bieëldje hoole? Mailtj mer
nao de secretaresse, Sabine (kiektj op de contactpagina) en wae
bringe de vlag en/of ut bieëldje aan hoeës (binne Haler). De vlag is
veur 17,50 euro te kaup en ut bieëldje veur 20 euro.
Sezoeën 23-24, de
fotoreportaasjes:
 Hieëring
sjélle, 14 fibrewari 2024
Nao die daag
gezellig same aafsloeëte mit eine (braod)hieëring of ein stukske
zultj op ein lekker sneeke zwartbroeëd mit kruutje. Ut waas dur
gezellig druk aan in Ós Dörpshoeës en al det lekkers heet de
aanwezige good gesmaaktj. Ut veel waal op det meinig pilsdrinker aan
ut fris zoot, mer det is auch waal begriepelijk nao die daag. En
tenslotte mót dur auch gevastj waere ;-).
 Dolle
Dinsdig, optocht en holleklot inne zaal, 13 fibrewari 2024
En bienao
aan het indj van de vastelaovendj de Halerse Dolle Dinsdig optocht
mit daonao fieëste in ut Rabbedabbe Pelieës. Ut waas weer eine
sjieke optocht mit fantastische waages, zieër ludieke einzelgängers
en groepe en weer hieël väöl jeugd die mit hieël väöl enerzjie heur
béste beinkes veurzatte! Flink get minse naeve de kantjd ei al det
sjoeëns koste bekieëke en koste geneete van eine sjoeëne optocht in
ein heerlijk zönneke (en det zooj ins tieëd waere nao al det grieës
waer en al dae raengel).
 Spek
mit eier en Vastelaoveskiene, 12 fibrewari 2024
Op de maondjig is ut in ut Rabbedabbe Pelieës altieëd ein
superlekker eike mit spek snuike. De zieër ervaare koks, Peter en
Jac, höbbe zich good van heur taak gekweete en eemes dae gein lekker
stuk mik mit ein eike en spek heet gehadj is dur óf neet gewaesj óf
is dur waal gewaesj mer heet neet good opgelétj. En naodet idderein
zien spek mit eike ophaaj ging Maurice weer hieëlemaol los mit zien
favoriete bezigheid: nummerkes ómroope en minse blie maake mit ein
prieëske.
 Prinsewaage
verseere, 12 fibrewari 2024
Altieëd op
maondjigmörrege gaon de aojers van de prins en prinses saame mit de
aojers van de adjudante en de men van de Raod van Hallef Elf saame
de prinsewaage optuuge veur de optocht. Ballonne blaoze, ballonne
aan tuikes knuipe, slingerkes vastzétte, letters plekke, de bezem
dur doorhaer, ut graasmetje good ligke, de geluidsinstallasie
opboewe en aansloeëte en den tot slot verwindj waere door de aojers
mit ein heerlijk stukske vlaai en eine lekkere plak cake, waat
wilste nog mieër op de maondjigmörrge!
 Sleuteleuverdracht,
9 fibrewari 2024
Aangezeen de
gebroekelijke fotomaker ut buske op en aaf aan ut rieje waas, haaj
dae gein fototoestel mitgenomme. Daomit motj gae ut doon mit maar
leefst 2 fotoos en 3 filmpkes. Ut is neet angers... Wae woore waal
es ieërste dao :-) (en es létste weer weg)
 Jeugdssleuteleuverdracht,
8 fibrewari 2024
Op dónderdig
waas ut den eindelijk tieëd veur de Jeugdsleuteeuverdracht. Prins
Cas I en Prinses Femm kreege oet henj van de burgemeisterin es
ieëerste de sleutel oetgereiktj. Doanoa volgdje de angere 15
jeugdraoj en daonao waas ut neteurlijk groeët fieëst in de sporthal
in Heur. De binnegekomme fotoos en filmpkes kintj gae hie op uch
gemaak bekieëke.
 Bóntje
Aovendj,
3 fibrewari 2024
Eine sjoeëne
en good bezochdje Bóntje Aovendj waas ut weer. Mét sjoeën optraejes
van de jeugd en de get aojere ónger ós. Limburgs Kampioen
Buuttereedner John van Bilzen waas dur auch mit zien act van
hobby-pastoeër. De aovendj waas good gevuldj, de leutjes ginge good
en de prieëze woore naovenantj, de breuedjes kanokworst en frikadel
ginge es werm breuedjes euver de toeënbank, Toos waerdje geridderdj
in de Orde van de Rabbedab, de jeugd dansjde dur op los, dur waerdje
door Martin twieë artiekele gereviewdj, Udo verrasjde ós mit twieë
spetterendje optraejes, dur waas ein stuk bie det waas allein al
hilarisch doordet de tekste doorein leepe of kwieëd woore, d'n aoje
daag kwoom veurbie in ein relasietest, de wintjerkemping kreeg de
neuedige aandacht, de ieërste relasiestappe veur meinig Halerse mins
of vrouw passeerdje de revue, achter de bar waas ut holleklot, ut
létste noews van de Halerse Omroop passeerdje de revue en tot slot
waerdje ut eindleedje nog door alle artieste veurgedraage ónger
aanveuring van de zingendje barvrouw Mir... Ut is weer eine
onvergaetelijke aovendj gewoore.
 Toos
Custers - Van Helden geridderdj!
Tieëdes de Bóntje Aovendj op 3 fibrewari waerdje Toos Custers - Van
Helden geridderdj in de Orde van de Rabbedab. Toos heet tich jaor
gejureerd tieëdes de Halerse optocht. Toos, bedanktj en geneet van
dien riddersjap!
 Prinserecepsie,
28 jannewari 2024
Waat höbbe
wae toch ein sjoeën en druk bezochdje Prinserecepsie gehadj. De zaal
waas van begin tot indj good gevuldj en dur zeen hieël get
óngersjeijinge door oze Prins Cas I en zien Prinses Femm oetgereiktj.
Neteurlijk mit behulp van häör adjudante Liene en Raf. Dur waerdje
meinig polonaeske gelaupe, de stumming zoot dur good in.
 Prins
oetroope, 9 december 2023
Op zaoterdig
9 december waas ut den eindelijk zoea wieëd. De noewe prins en
prinses waerdje bekindj gemaaktj tieëdes eine druk bezochtdje
aovendj in ut Rabbedabbe Pelieës (Ons Dorpshuis) in Haler. Prins Cas
I en Prinses Femm gaon, saame mit de adjudante Liene en Raf en de
jeugdroad, mit de vastelaovesdaag veurop in Haler-Uffelse. Ein korte
impressie van deze sjoeëne aovendj vindj gae hie.
 Buutte
aovendj op zaoterdig 4 november 2023
In hun voorbereiding op het Groot
Limburgs Buuttekampioenschap 2024 toetsen een groot aantal
deelnemende artiesten hun act in een aantal try-outs. Zo ook op
zaterdag 4 november 2023 in de historische tiendschuur van de
Uffelse Molen. Bart Ketelaars, Theo Nellen, Carola Vergoossen, Rob
Princen, het duo Misja Nabben en Karlo Rongen, Ton Laeven, Nils Naus,
en John van Bilzen zullen er alles aan doen om met hun typetjes en
spitsvondigheden er een spetterende avond van te maken.
V.V.
De Rabbedabben en de Uffelse Molen organiseren de avond. De
presentatie is in handen van Rik Hendriks. Neijnens Geluid en Licht
zorgt voor de technische aankleding en de muzikale omlijsting. De
acts beginnen om 19.15 uur en de tiendschuur is open vanaf 18.30
uur. De entrée bedraagt € 7,50. Kaarten zijn alleen vooraf te
bestellen via
uffelsemolen@johnklerkx.nl.
|
